Real Sosyedad Zakaryan jarohati haqida maʼlumot berdi

Ispaniyaning "Real Sosyedad" klubi matbuot xizmati rossiyalik yarim himoyachi Arsen Zakaryanning jarohati haqida maʼlumot berdi. Klub vakilining soʻzlariga koʻra, futbolchi faqat ehtiyotkorlik nuqtai nazaridan almashtirilgan va u hech qanday jarohat olmagan.

Eslatib oʻtamiz, Zakaryan "Atletik Bilbao"ga qarshi uy uchrashuvining ikkinchi boʻlimida almashtirilgan edi. Ushbu bahsda "Real Sosyedad" 3:2 hisobida gʻalaba qozondi.

Joriy mavsumda Zakaryan 5 ta uchrashuvda maydonga tushib, bitta gol urishga muvaffaq boʻldi. 22 yoshli futbolchining shartnomasi 2029-yil yozigacha amal qiladi, uning transfer narxi esa 7,5 million yevroga baholangan.