UFC’ning eng yorqin jangchilaridan biri Arman Sarukyan navbatdagi jang oldidan o‘z his-tuyg‘ularini yashirmadi. Yangi zelandiyalik raqibi Den Huker haqida so‘zlar ekan, u to‘g‘ridan to‘g‘ri va qat’iy fikr bildirdi.
“Menga Huker inson sifatida yoqmaydi. U ko‘p gapiradi, lekin amalda shunchalik kuchli emas, deb o‘ylayman. Shu bilan birga, uni kamsitish niyatim yo‘q — u diviziondagi eng kuchli jangchilardan biri. Faqat menda unga qarshi shaxsiy his-tuyg‘ular bor va ularni so‘z bilan emas, zarbalar bilan ifoda etaman. Huker bilan jang men uchun sportchan sinov, shu orqali o‘z darajamni ko‘rsataman,” — dedi Sarukyan.
Arman shuningdek, keyingi rejasi haqida ham ochiq gapirdi: “Denni yengib, keyin Iliya Topuriyani ham mag‘lub etish niyatidaman. Bu men uchun yangi bosqich bo‘ladi. Ikkalasini ham oktagonda mag‘lub etib, ularni nafaqaga chiqarishni xohlayman.”
Mahalliy va xalqaro muxlislar bu jangni UFC yilning eng qiziqarli to‘qnashuvlaridan biri deb baholashmoqda. Sarukyan hozirda yengil vazn toifasida ikkinchi o‘rinda, Huker esa oltinchi pog‘onada joylashgan.
Jang 22-noyabr kuni Qatarda bo‘lib o‘tadi. Bu to‘qnashuv nafaqat reyting, balki shaxsiy g‘urur va iftixor masalasiga aylangan.
Muxlislar esa Sarukyanning “nafratni so‘z bilan emas, zarbalar bilan ifodalash” shiori qanchalik amalda namoyon bo‘lishini katta qiziqish bilan kutmoqda.
“Zamin”ni Telegramʻda oʻqing!
