"Milan" klubi yarim himoyachi Luka Modrichning kelajagi bo'yicha qarorini aniqladi. La Gazzetta dello Sport xabariga ko'ra, "rossoneri" 40 yoshli xorvatiyalik futbolchi bilan shartnomani uzaytirishni rejalashtirmoqda.
Modrichning taqdiri bo'yicha yakuniy qaror bahorgacha qabul qilinmaydi, ammo "Milan" rahbariyati va murabbiylar shtabi tajribali futbolchini jamoada saqlab qolishni istashmoqda. Klub uning hozirgi o'yinidan juda mamnun.
Modrich Italiya chempionatining joriy mavsumida "Milan"ning barcha 11 o'yinida asosiy tarkibda maydonga tushdi. Uning amaldagi shartnomasi 2025/26-yilgi mavsum oxirigacha mo'ljallangan bo'lib, unda shartnomani uzaytirish imkoniyati ham mavjud.
Modrich "Milan" safida jami 12 uchrashuvda maydonga tushib, bir gol urdi va ikki marta assistentlik qildi.
