Fulxem klubida bosh murabbiy Marku Silva bilan bogʻliq muammolar kuchaymoqda. TalkSPORT xabariga koʻra, Silva klub bilan shartnomani uzaytirish niyatida emas.
Maʼlumotlarga koʻra, klub rahbariyati hali Silvaning kelajagi boʻyicha yakuniy qarorga kelmagan. Biroq jamoa quyi ligaga tushib ketish xavfi ostida qolishi mumkinligi ularda tashvish uygʻotmoqda, chunki hozirda Fulxem quyi zona yaqinida joylashgan.
Silva esa tarkibni kuchaytirish uchun yetarli mablagʻ ajratilmayotganidan koʻp marta norozilik bildirgan, bu esa uning klubdagi kelajagiga taʼsir qilishi mumkin. Marku Silva 2021 yildan beri Fulxemning bosh murabbiyi sifatida faoliyat olib bormoqda.
Jamoa hozirda Angliya chempionati turnir jadvalida 15-oʻrinni egallab turibdi va 11 turdan soʻng 11 ochko jamgʻargan.
Mehmon guruhidagi foydalanuvchilar ushbu nashrga izoh qoldira olmaydi.
