Kelasi haftaning oxirida, milliy jamoalar oʻyinlari tugagach, Italiya yana bir Milan derbisi muhitiga shoʻngʻiydi. A Seriyasida birinchi oʻrinni egallab turgan "Inter" uchinchi oʻrinda borayotgan "Milan" bilan toʻqnash keladi.
"Rossonerilar"ning sobiq bosh murabbiyi Fabio Kapello ushbu oʻyin haqida oʻz fikrlarini bildirdi. "Pulisichni koʻryapman, u jamoa liniyalarini bogʻlab turadi.
"Inter" qanotlardan hujum qiladi, "Milan" esa koʻproq markaz orqali oʻynaydi. Himoyada "Milan" zonal uslubda oʻynasa, "Inter" shaxsiy pressingga koʻproq eʼtibor qaratadi", - dedi Kapello pianetamilan.it saytiga bergan intervyusida.
Eslatib oʻtamiz, Kapello 90-yillarda "Milan"ni boshqargan. Shuningdek, u Rossiya terma jamoasi murabbiyi sifatida ham faoliyat yuritgan.
Mehmon guruhidagi foydalanuvchilar ushbu nashrga izoh qoldira olmaydi.
