Yangi mavsumdan boshlab “Real” futbol klubi barcha Chempionlar Ligasidagi kuboklarini “Santiago Bernabeu” stadionining tunel kirish qismiga joylashtirdi. Bu orqali jamoa o‘z tarixini va muvaffaqiyatlarini stadionga kirayotgan har bir futbolchiga ko‘rsatmoqchi.
“Barselona” futbolchilari esa stadionga kirishda aynan shu 15 ta sovrin yonidan o‘tishga majbur bo‘lishdi. Mutaxassislar fikricha, bunday vizual element raqib jamoaning ruhiyatiga ta’sir qilishi mumkin.
Kiyinish xona tomon yo‘l olgan “Barselona” futbolchilari tarixiy devordan e’tiborini chetga qaratishga harakat qildi, ammo bunday elementni butunlay e’tiborsiz qoldirish deyarli imkonsiz edi.
Ekspertlar nazarida, stadiondagi sovrinlar nafaqat “Real”ning tarixini eslatadi, balki raqib jamoaga psixologik bosim yaratish vositasi ham bo‘lishi mumkin. Shu tariqa, “Real” maydondagi raqib ustunligini psixologik jihatdan ham saqlashga intilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
