Madridning "Real" klubi yarim himoyachisi Orlean Tchouameni "Manchester Yunayted"ning transfer maqsadlari ro‘yxatiga kiritildi. "Qizil iblislar" Kazemiro o‘rniga mos futbolchi izlamoqda, chunki braziliyalik futbolchi maosh qisqartirilgan holda shartnomani uzaytirishga rozi bo‘lmasligi ehtimoli yuqori.
Defensa Central nashrining xabar berishicha, Tchouameni Angliya grandining transfer bozoridagi ustuvor variantlaridan biri sifatida ko‘rilmoqda. Ammo fransiyalik futbolchining Manchesterga ko‘chib o‘tishga qancha qiziqishi borligi hozircha noma’lum.
"Transfermarkt" portalidagi mutaxassislarning fikriga ko‘ra, 25 yoshli Tchouamenining transfer narxi 75 million yevro atrofida baholanmoqda. Joriy mavsumda u Xabi Alonsoning jamoasi safida barcha turnirlarda 15 o‘yinda maydonga tushgan, biroq samarali harakatlari bilan ajralib turgani yo‘q.
Mehmon guruhidagi foydalanuvchilar ushbu nashrga izoh qoldira olmaydi.
