Portugaliya futbol federatsiyasi prezidenti Pedru Proensa hujumchi Krishtianu Ronalduga nisbatan berilgan diskvalifikatsiya bo'yicha fikr bildirdi. 40 yoshli futbolchi payshanba kuni Irlandiyaga qarshi o'yinda (0:2) qizil kartochka olgan edi.
Ushbu jazodan so'ng yulduz futbolchi 2026 yilgi Jahon chempionati final bosqichining startini o'tkazib yuborishi mumkin. "Biz Ronalduga nisbatan jazo imkon qadar yengil bo'lishi uchun bor kuchimizni ishga solamiz.
Vaziyatni huquqiy jihatdan tahlil qilib chiqdik. Umid qilamizki, diskvalifikatsiya minimal darajada bo'ladi va barcha yumshatuvchi holatlar hisobga olinadi.
Hammamiz Krishtianuning Jahon chempionati-2026ning birinchi o'yinida ishtirok etishini xohlaymiz", - dedi Proensa intervyusida. Yakshanba kuni Portugaliya terma jamoasi Ronaldusiz Armanistonni yirik hisobda (9:1) mag'lub etib, Jahon chempionatiga to'g'ridan-to'g'ri yo'llanma oldi.
Mehmon guruhidagi foydalanuvchilar ushbu nashrga izoh qoldira olmaydi.
