UFC Qatar turnirining markaziy va ko‘p kutilgan asosiy bahsida Arman Sarukyan va Den Xuker oktagonda shiddatli to‘qnashuv olib borishdi. Jang yakunida Armanistonlik mohir jangchi muvaffaqiyatli submission orqali ishonchli g‘alabani qo‘lga kiritdi va to‘g‘ridan-to‘g‘ri chempionga tahdid qildi.
Birinchi raund: Himoyadagi mahorat
Bahs boshlanishi bilan Arman oyoq zarbalari orqali raqibiga zarar yetkazishga urindi. Biroq, Xuker uning zarbasidan foydalanib, oyog‘ini tutib, parterga o‘tkazishga harakat qildi. Arman bu vaziyatda ilk muvaffaqiyatli himoyasini bajarib, nafaqat hujumkor, balki himoyaviy uslubda ham yuqori darajadagi mahoratga egaligini ko‘rsatdi.
Oktagon markazida davom etgan jang zarbalar almashinuvi (striking) borasida ancha interaktiv va qiziqarli kechdi. Xuker klinchdan so‘ng orqa tomondan nazorat holatida "gilyotina" bo‘g‘ish uslubini qo‘llashga harakat qildi, ammo Arman parterda himoyalanib, qutqaruv harakatini muvaffaqiyatli yakunladi. Bunga javoban Sarukyan yon tomondan nazorat holatida o‘zining sevimli usuli — "qo‘l-uchburchak" bo‘g‘ishni (arm triangle choke) qo‘llashga urindi, lekin Xuker bunga yo‘l qo‘ymadi. Shu tariqa shiddatli ilk raund nihoyasiga yetdi.
Ikkinchi raund: Ilondek chalkashgan g‘alaba
Ikkinchi raundda Sarukyan strategik harakat qildi. Teykdaun urinishidan so‘ng Xuker himoyalanib, gilyotina bilan javob qaytardi. Arman bundan ham oson chiqib ketdi va parterda "arm trienjil chok"ni amalga oshirishga kirishdi.
Sarukyan "marraga — bir qadam orqaga va ikki qadam oldinga" qoidasiga amal qilib, yerda masofani ushlab, raqibga kuchli zarbalar berishni boshladi. Xuker endi submission emas, texnik nokautdan himoyalanishga majbur bo‘ldi, bu esa uning bo‘ynini va bir qo‘lini ochiq qoldirdi. Arman Sarukyan vaziyatni sezdi va ilondek chalkashib, raqibini butunlay bo‘g‘di va "qo‘l-uchburchak" bo‘g‘ish usuli orqali muddatidan oldin g‘alabani qo‘lga kiritdi.
Jangdan so‘ng: Chempionga tahdid
Jangdan so‘ng Arman haqiqiy jangchi sifatida Den Xukerga o‘z minnatdorchiligini bildirdi, zero bir yarim yil davomida hamma undan qochayotgan edi. Keyin esa emotsional nutq so‘zlab, amaldagi chempion Iliya Topuriyaga rasmiy ravishda yakkama-yakka jangga chorladi:
“Zamin”ni Telegramʻda oʻqing!«Iliya Topuriya, nihoyat mendan yashirinishni bas qil. Men yanvar oxiriga jang qilishga tayyorman. Men sen bilan jang qilmoqchiman va sening chempionligingni tortib olmoqchiman!».
Mehmon guruhidagi foydalanuvchilar ushbu nashrga izoh qoldira olmaydi.
