Flik: Jarohatlardan nolimaymiz, faqat oldinga!

“Barselona” bosh murabbiyi Hans-Diter Flik jamoa holati haqida o‘z fikrlarini bildirdi. Shanba kuni kataloniyaliklar “Atletik Bilbao”ga qarshi o‘yinda 4:0 hisobida g‘alaba qozonishdi.

Asosiy tarkibdan jarohatdan tiklangan Xoan Garsiya va Lamin Yamal maydonga tushdi, shuningdek, o‘yin so‘ngida Rafinya Dias ham maydonga chiqdi. Ammo jarohatlar muammosi hali hamon dolzarb: Pedri, Gavi va Markus Reshford “ko‘k-anorranglilar”ga “Kamp Nou”ga qaytgandan keyingi ilk uchrashuvda yordam bera olmadilar.

"Men ijobiy kayfiyatdaman va barcha futbolchilarimizga ishonaman. Jamoamizda juda ko‘p yaxshi futbolchilar bor – biz jarohatlardan shikoyat qilmaymiz.

Mavjud tarkibga eʼtibor qaratib, ishimizni davom ettirishimiz lozim," – deya ta’kidladi Flik o‘yindan keyingi intervyusida. Kelasi seshanba kuni “Barselona” Chempionlar Ligasi doirasida safarda “Chelsi” bilan kuch sinashadi.