«Manchester Yunayted»ning bosh murabbiyi Ruben Amorim kechagi o‘yindan keyin jamoasi ko‘rsatgan o‘yin sifati va intilish borasida ochiq va talabchan fikrlar bildirdi. Uning aytishicha, raqib jamoa ham to‘liq tarkibda, ham bir futbolchisi kam bo‘lgan holatda ham maydonda ancha ustun ko‘ringan.
Amorim o‘yindan so‘ng shunday dedi:
— «Raqib to‘liq tarkibda ham, o‘n kishi o‘ynaganda ham bizdan ancha kuchliroq ko‘rindi. Biz esa o‘zimizdan talab qilinadigan darajada o‘ynamayotganimizni sezdim. Ular g‘alabaga haqiqatdan ham munosib edilar», — deya ta’kidladi murabbiy.
Uning fikricha, raqib futbolchisining maydondan chetlatilishi «MYU» uchun imkoniyat yaratishi kerak edi. Ammo kutilganidek bo‘lmagan:
— «Aslida raqib o‘n kishi qolsa, hujum zonasida biz ularga bosimni kuchaytirib, ustunlikni qo‘lga olishimiz kerak edi. Lekin bu umuman amalga oshmadi», — deydi Amorim.
Murabbiy jamoaning o‘yindagi harakati yondashuvidan qattiq norozilik bildirib, bu holatni orqaga qadam deb baholadi:
— «Bu orqaga siljishmi? Ha. Ayniqsa, avvalgi o‘yinlardagi harakatlarimiz bilan solishtirganda. Natija haqida o‘ylab o‘tirish shart emas — u allaqachon yomon. Meni ko‘proq tashvishga solayotgan narsa — futbolchilarning maydondagi ruhi, harakatdagi pasayishdir. Bugun barcha butun kuchini tashlashi kerak edi».
Amorim jamoa ertaga mashg‘ulotga chiqishini, barcha kamchiliklar va tushunmovchiliklar shu yerda batafsil muhokama qilinishini aytdi:
— «Ertaga mashg‘ulotimiz bor. Hammasi u yerda aniq muhokama qilinib, haqiqatdan qochmaymiz», — deya xulosa qildi murabbiy.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
