Fransiya chempionatining 14-tur markaziy uchrashuvida "Monako" o'z maydonida "PSJ"ni qabul qiladi. Ikkala jamoaning ehtimoliy asosiy tarkiblari haqida tahlil olib borildi.
"Monako": Gʻradetskiy (darvozabon), Uattara, Kerer, Salisu, Teze, Diyatta, Kulibali, Kamara, Fati, Ilenikena, Akliush. "PSJ": Shevalye (darvozabon), Nunu Mendesh, Beraldo, Zabarniy, Zair-Emeri, Joau Nevesh, Vitinya, Mayulu, Mbaye, Ramush, Kan-In.
"Monako" tarkibida Kristian Mavissa va Erik Dayyer jarohatlangan, Denis Makariya esa diskvalifikatsiya qilingan. "PSJ" tarkibida Ashraf Hakimi, Dezire Due va Usmon Dembele jarohatlar tufayli maydonga tusha olmaydi.
Turnir jadvalida monakoliklar parijliklardan 10 ochkoga ortda qolmoqda. Oldingi turda "Monako" "Renn"ga 1:4 hisobida yutqazgan boʻlsa, "PSJ" "Havr"ni 3:0 hisobida magʻlub etdi.
Chempionlar ligasida esa "Monako" Kiprning "Pafos" jamoasi bilan 2:2 hisobida durang oʻynadi, "PSJ" esa "Tottenxem"ni 5:3 hisobida magʻlub etdi. Aleksandr Golovin oldingi Liga 1 uchrashuvida maydonga tushmagan boʻlsa-da, Chempionlar ligasida asosiy tarkibda oʻynab, keyinchalik zaxiraga olindi.
Taxminlarga koʻra, murabbiy rotatsiyasi sabab, u yana zaxirada qolishi mumkin. Uchrashuv bugun, 29-noyabr kuni soat 19:00 da Monakodagi "Lui II" stadionida boshlanadi.
"Monako" – "PSJ" uchrashuvining matnli onlayn-translyatsiyasini oʻtkazib yubormang.
Mehmon guruhidagi foydalanuvchilar ushbu nashrga izoh qoldira olmaydi.
