Sobiq "Serik Belediyespor" bosh murabbiyi Sergey Yuran oʻz jamoasi Turkiya birinchi ligasidagi eng kichik byudjetga ega boʻlgan klublardan biri boʻlganini maʼlum qildi. Mutaxassisning aytishicha, klub oʻz tarkibini kuchaytirishga hech qanday iqtisodiy imkoniyatga ega boʻlmagan.
"Toʻgʻrisini aytganda, byudjetimiz umuman yoʻq edi. Hech kimni sotib ololmadik.
Maoshlar esa ligadagi eng past koʻrsatkichlardan biri edi", - dedi Yuran "Sport-Ekspress"ga bergan intervyusida. Vaziyat "Serik"dan ham yomon boʻlgan yagona klub bu "Adana Demirspor" edi, u yerda faqat yosh futbolchilar oʻynardi.
Eslatib oʻtamiz, Yuran 2025 yilning yozida "Serik"ga kelgan va bir necha oy davomida ishlagan. Keyinchalik klub maosh boʻyicha qarzga botdi, futbolchilar mashgʻulotlarni boykot qila boshladilar va rossiyalik mutaxassis bilan shartnoma bekor qilindi.
Mehmon guruhidagi foydalanuvchilar ushbu nashrga izoh qoldira olmaydi.
