Ronaldu sun’iy intellekt bo‘yicha startapga sarmoya kiritmoqda
Krishtianu Ronalduning sun'iy intellekt sohasidagi Perplexity AI startapiga 20 milliard dollar qiymatidagi investitsiyasi haqida xabar berildi. U bu qarorini muvaffaqiyatga intilish va doimiy izlanishning bir qismi sifatida ko'rmoqda. Ronalduning qo'shilishi startapning global ommalashuvini tezlashtirishi kutilmoqda.
Krishtianu Ronaldu sun’iy intellekt sohasidagi Perplexity AI startapiga sarmoya kiritgani haqidagi xabarni 4-noyabr kuni e’lon qildi. Qiymati 20 milliard dollarga yetgan mazkur kompaniyaga qo‘shilishini u muvaffaqiyatga intilish va doimiy izlanishning bir bo‘lagi sifatida ta’rifladi.
Hamkorlik doirasida “Perplexity x CR7” maxsus sahifasi ishga tushirilib, unda Ronalduning barcha yutuqlari va faoliyat yo‘li jamlanadi. Futbol afsonasi bu hamkorlikni “faqat boshlanish” deb baholab, odamlar yanada ambitsiyali savollar berishini rag‘batlantirmoqchi.
2022-yilda tashkil etilgan Perplexity 2025-yil sentyabrda 200 million dollar jalb qilgach, 20 milliard dollarlik bahoga erishgan. Ronaldu avval platforma foydalanuvchisi bo‘lgan, keyin esa investorga aylangan. U hatto Prestige Globe Award uchun nutqini ham Perplexity orqali tayyorlaganini aytgan.
1 milliarddan ortiq obunachiga ega Ronalduning qo‘shilishi startapning global ommalashuvini yanada tezlashtirishi kutilmoqda.
Ma’lumot uchun, Krishtianu Ronaldu — Chempionlar Ligasi tarixidagi eng yaxshi to‘purar (140 gol), “Real”ning eng ko‘p gol urgan futbolchisi (450 gol) va milliy jamoalar orasida eng ko‘p gol urgan jahon rekordchisi (143 gol). Hozirda “An-Nassr” sharafini himoya qilmoqda.
Izohlar 0
…