Argentina milliy terma jamoasi bosh murabbiyi Lionel Skaloni jamoa afsonasi Lionel Messining Jahon chempionati–2026da qatnashishi mumkinligi haqida o‘z munosabatini bildirdi. Skaloni ta’kidlashicha, bu masalada hamma narsa Messining o‘ziga bog‘liq — qaror qabul qilish huquqi to‘liq uning qo‘lida.
Murabbiyning ta’kidlashicha, hozirgi paytda vaziyat ijobiy ko‘rinishda, ammo oldindagi olti oy — futbol uchun ham, sportchi uchun ham jiddiy o‘zgarishlarga boy bo‘lishi mumkin bo‘lgan davr. Shu bois, Skaloni Messining har qanday qarorini hurmat qilishlarini, jamoa esa qanday sharoitda bo‘lmasin uni qo‘llab-quvvatlashga tayyorligini ma’lum qildi. “Uning qarorini sabr bilan kutib turibmiz. U o‘zi va terma jamoa manfaati uchun eng to‘g‘ri yo‘lni tanlaydi, degan umiddamiz”, — deya qayd etdi murabbiy.
Argentina termasi JCH–2026da “J” guruhida maydonga tushadi. Bu bosqichdagi raqiblar — Avstriya, Jazoyir va Iordaniya kabi jamoalar bo‘lib, har biri o‘z o‘yin uslubiga ega va turli taktik yondashuvlarni talab qiladi. Muxlislar fikricha, bu guruh qayerdandir oson tuyulishi mumkin, ammo amalda har bir bellashuv sinovli va jiddiy yondashuvni talab etuvchi o‘yin bo‘ladi.
Eslatib o‘tamiz, Jahon chempionati 2026-yili AQSH, Kanada va Meksikada o‘tkaziladi. Musobaqa birinchi marta uch mamlakat hududida tashkil etilayotgani bilan ham tarixiy ahamiyatga ega. Bu esa logistika, iqlim va safar masalalarida ham turli qiyinchiliklarni yuzaga keltirishi mumkin.
Shunday sharoitda Messining ishtiroki yoki ishtirok etmasligi butun dunyo futbol ishqibozlari uchun alohida qiziq mavzug‘a aylangan. Terma jamoa esa qanday qaror bo‘lmasin, qaysi tarkibda tushmasin — titulni himoya qilish maqsadi bilan AQSH sari yo‘l olishga shaylanmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
