Yevropa sahnasida muhim ahamiyatga ega bo‘lgan kechalardan biri — Chempionlar ligasi umumiy guruh bosqichining 6-turi «Barselona» uchun o‘ziga xos sinovga aylandi. Kataloniya klubi o‘z uyida «Ayntraxt»ni 2:1 hisobida ortda qoldirgan holda mag‘lub etdi va muvaffaqiyatli kambek amalga oshirdi. Bellashuvdan keyin bosh murabbiy Xans-Diter Flik o‘yin borasida o‘z taassurotlari bilan o‘rtoqlashdi.
Flikning ta’kidlashicha, bu o‘yin ham uni, ham jamoani ajablantirgani yo‘q. Chunki «Ayntraxt» aslida Bundesligaga xos tezkor, kuchli pressing va katta harakat bilan o‘ynaydigan jamoa sanaladi. «Barsa» murabbiyi birinchi bo‘limdagi noaniq harakatlar va oddiy xatolar sabab vaziyatni o‘zgartirishga majbur bo‘lganini tan oldi. Shu sabab, ikkinchi taym boshidayoq Markus Reshfordni o‘yinga tashlab, hujum chizig‘ida dinamikani kuchaytirishga intilishdi.
«Umuman olganda, o‘yin ustidan nazorat biz tomonda edi. Faqat birinchi bo‘limdagi aniqsizliklar o‘zgarish kiritishga majbur qildi. Kambeklar haqida gapirish qiyin: bir tarafdan jamoaning xarakter ko‘rsatib, o‘yinga qayta olish qobiliyati menga ma’qul. Ikkinchi tarafdan esa o‘yinni o‘ziga yarasha kuchli boshlashni xohlayman. Ilk golni o‘zimiz urishni istardim», — deya ta’kidladi Flik.
Uning fikriga ko‘ra, «Barselona» himoyasi bu bellashuvda yetarlicha ishonchli o‘ynadi va raqibga katta imkoniyat qoldirmadi. Murabbiy o‘yin intizomi va yig‘itlarning xarakterini alohida ta’kidlagan holda, jamoaga minnatdorchilik bildirdi.
Flikning bu so‘zlari «Barsa» muxlislariga yana bir xabarni uzatadi: jamoa hali to‘liq shakllanib ulgurmagan bo‘lsa-da, xarakter, iroda va taktik moslashuvchanlik sifati bor. Bu esa kelgusi bosqichlarda juda qimmatli omilga aylanishi turgan gap.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
