Chelsi bosh murabbiyi Enso Mareska Chempionlar ligasi guruh bosqichidagi jamoasining holati haqida o‘z fikrlarini bildirdi. O‘tgan seshanba kuni "ko‘klar" safarda "Atalanta"ga 1:2 hisobida mag‘lub bo‘lib, eng yaxshi sakkizlikdan tushib ketdi.
London klubi hozirda 10 ochko bilan 11-o‘rinni egallab turibdi. Bu ko‘rsatkich jamoaning guruh bosqichidagi olti o‘yindan keyingi natijasidir.
"Ko‘rinib turibdiki, qolgan ikkala o‘yinda g‘alabaga erishishimiz kerak. 16 ochko bizni eng yaxshi sakkizlikka olib chiqishi mumkin, ammo bunga ishonchim komil emas.
1/8 final uchun to‘g‘ridan-to‘g‘ri yo‘llanmani qo‘lga kiritish uchun yana olti ochko to‘plash lozim", – dedi Mareska. Bu so‘zlarni jurnalist Bobbi Vinsent keltirgan.
Eslatib o‘tamiz, Chempionlar ligasi guruh bosqichida birinchi sakkizta jamoa to‘g‘ridan-to‘g‘ri 1/8 finalga yo‘l oladi. Keyingi 16 jamoa esa pley-offning dastlabki bosqichida o‘zaro bahslashadi.
Mehmon guruhidagi foydalanuvchilar ushbu nashrga izoh qoldira olmaydi.
