Birlashgan Arab Amirliklarining Dubay shahrida davom etayotgan erkaklar o‘rtasidagi Jahon chempionati o‘zining eng ta’sirli pallalaridan biriga kirdi. Chorak final bosqichi O‘zbekiston terma jamoasi uchun muhim kun bo‘lib, unda 11 nafar bokschimizning hal qiluvchi janglari tashkil etildi.
60 kilogramm vazn toifasida tajribali va mahoratli charm qo‘lqop ustasi Abdumalik Xalokov ozarbayjonlik raqibi Mahammadali Ashiraliyev bilan ringda yuzma-yuz keldi. Bellashuvning ilk daqiqalaridanoq Xalokov to‘liq ustunlikni qo‘lga olgani yaqqol sezildi. Uning aniq zarbalari, tinimsiz bosimi va raqibni tor-mor qilishga qaratilgan faol harakatlari jangning umumiy manzarasini belgilab berdi.
Hakamlar jangni to‘liq nazorat qilgan Xalokovning ustunligini bir ovozdan e’tirof etishdi va bokschimiz munosib tarzda g‘alaba bilan yarim finalga yo‘l oldi. Bu natija nafaqat jamoamiz, balki boks muxlislari uchun ham katta ruhiy ko‘tarinkilik bag‘ishladi.
Shu bilan birga, bizni hali yana bir muhim to‘qnashuv kutmoqda. Yurtdoshlarimizdan Asadxo‘ja Mo‘ydinxo‘jayev Qozog‘iston vakili Sanatali Toltayevga qarshi ringga ko‘tariladi. Bellashuvning aniq natijasi terma jamoamizning umumiy ko‘rsatkichiga jiddiy ta’sir ko‘rsatishi aytib o‘tilmoqda.
Qisqasi, Dubaydagi Jahon chempionatida bokschilarimiz har kuni yangi qahramonliklar ko‘rsatmoqda. Ular har bir raundda iroda, jasorat va mahoratni namoyon etyapti. Muxlislar esa ulardan navbatdagi g‘alabalarni intizorlik bilan kutib turibdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
