Xabi Alonso «Real Madrid» bosh murabbiyi sifatida o‘z faoliyatini davom ettirmoqda, garchi jamoa Chempionlar ligasida «Manchester Siti»ga 1:2 hisobida mag‘lubiyatga uchragan bo‘lsa ham. Jamoaning ayrim futbolchilari murabbiyni ochiqchasiga qo‘llab-quvvatladilar.
BBC xabariga ko‘ra, Alonso keyingi turda «Alaves»ga qarshi o‘yinga jamoani tayyorlashda davom etadi. Agar «Real Madrid» ketma-ket uchinchi marta mag‘lubiyatga uchrasa, Alonso o‘z lavozimini yo‘qotishi mumkin.
Shu bilan birga, matbuotda «Real Madrid» Xabi Alonsoga vaziyatni yaxshilash uchun uchta o‘yin muhlat bergani haqida ham ma’lumotlar paydo bo‘ldi. Hozirda «Real Madrid» Ispaniya chempionati turnir jadvalida ikkinchi o‘rinni egallab turibdi va «Barselona»dan to‘rt ochko ortda qolmoqda.
Mehmon guruhidagi foydalanuvchilar ushbu nashrga izoh qoldira olmaydi.
