Ispaniya chempionatining 17-turi doirasida «Atletiko» safarda Kataloniya vakili «Jirona»ga qarshi maydonga tushdi. Ushbu bellashuvda Diyego Simeone shogirdlari to‘liq ustunlik namoyish etib, raqib darvozasini javobsiz uch bor ishg‘ol qildi.
Uchrashuvning ilk daqiqalaridanoq «matraschilar» o‘yinni o‘z nazoratiga oldi. 13-daqiqada jamoa sardori Koke hisobni ochib, mehmonlarni oldinga olib chiqdi. Bu gol «Atletiko»ga yanada ishonch bag‘ishladi va jamoa hujumlarini to‘xtatmadi.
Birinchi bo‘lim o‘rtalaridan keyin madridliklar ustunligini yanada oshirdi. 38-daqiqada Gallaher aniq zarba bilan farqni ikkitaga yetkazdi. «Jirona» esa javob qaytarishga uringan bo‘lsa-da, «Atletiko» himoyasi mustahkam harakat qildi.
Ikkinchi bo‘limda o‘yin sur’ati biroz pasayganiga qaramay, «matraschilar» nazoratni qo‘ldan bermadi. Uchrashuvga qo‘shib berilgan daqiqalarda Antuan Grizmann o‘z nomini tabloga yozdirib, o‘yinga yakun yasadi — 3:0.
Jirona – Atletiko 0:3
Gollar: Koke 13, Gallaher 38, Grizmann 90+2
Jirona – Gazzaniga, Franses (Rinkon, 61), Vitor Reis, Blind, Moreno, Sigankov (Romero, 71), Martines, Vitsel, Martin (Lemar, 71), Roka (Asprilla, 46), Vanat,
Atletiko – Oblak, Liorente (Grizmann, 78), Pubil, Hansko, Rujjeri, Simeone, Barrios, Koke, Gonsales (Gallaher, 28, Gallaher, 77), Alvares (Almada, 77), Syorlot (Raspadori, 83)
Bu g‘alabadan so‘ng «Atletiko» ochkolari sonini 37 taga yetkazib, La Liga jadvalida 3-pog‘onaga ko‘tarildi. «Jirona» esa 15 ochko bilan xavfli hudud — 18-o‘rinda qolib ketdi.
Simeone jamoasi mavsum davomida barqaror o‘yin namoyish etayotganini yana bir bor isbotladi. Bu kabi ishonchli g‘alabalar «Atletiko»ni chempionlik poygasida jiddiy raqib sifatida saqlab turibdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
