«Atletiko» Simeone bilan shartnomani uzaytirmoqchi

Madridning “Atletiko” klubi rahbariyati jamoa bosh murabbiyi Diyego Simeone bilan mehnat shartnomasini uzaytirmoqchi. Bu haqda Topskills Sports UK xabar bermoqda.

Manbaga ko‘ra, “Atletiko”da Simeonening ishlari va erishgan natijalaridan mamnun, shu bois uni yaqin kelajak uchun jamoada saqlab qolishni istamoqda. Simeone klub qiymatini oshirishda muhim rol o‘ynadi: u “Atletiko”ni nafaqat maydonda jiddiy kuchga, balki to‘laqonli brendga ham aylantirdi.

Simeone “Atletiko”ni 2011 yil dekabridan beri boshqarib kelmoqda. Uning “matraschilar” bilan amaldagi shartnomasi 2026/27 yilgi mavsum yakunigacha mo‘ljallangan.

Hozirda “Atletiko” Ispaniya La Ligasi turnir jadvalida 18 o‘yindan keyin 37 ochko bilan uchinchi o‘rinda bormoqda.