Lokatelli almashtirish sababini so'radi, Spalletti javob bermadi
"Yuventus" A Seriyaning 17-turida "Piza"ni 2:0 hisobida mag'lub etdi. Uchrashuvning 60-daqiqasida Luchano Spalletti jamoa sardori Manuel Lokatellini almashtirdi, biroq futbolchining erta almashtirilishi haqidagi savoliga javob bermadi. Lokatelli maydonni tark etishidan yetti daqiqa oldin sariq kartochka olgan edi. "Yuventus" g'alabasini 73-daqiqadagi avtogol va qo'shib berilgan vaqtda Kenan Yildizning goli ta'minladi.
Shanba kuni "Yuventus" A Seriyaning 17-turida "Piza" ustidan 2:0 hisobida g'alaba qozondi. Mehmonlar 73-daqiqada raqibning avtogoli evaziga oldinga chiqib oldi, qo'shib berilgan vaqtda esa Kenan Yildiz yakuniy hisobni belgilab qo'ydi. Bu haqda euro-football.ru xabar beradi.
Uchrashuvning 60-daqiqasida "byankoneri" bosh murabbiyi Luchano Spalletti jamoa sardori Manuel Lokatellini maydondan oldi. DAZN xabariga ko'ra, yarim himoyachi murabbiy bilan qo'l berib ko'rishar ekan, erta almashtirilishiga izoh so'ragan, biroq javob olmadi. Spalletti esa futbolchiga ortiqcha savollarsiz darhol zaxira o'rindig'iga o'tirishni buyurgan.
Ta'kidlash joiz, Lokatelli maydonni tark etishidan yetti daqiqa avval sariq kartochka ham olgan edi.
Izohlar 0
…