Goalpost talqiniga ko‘ra, O‘zbekiston terma jamoasi hamda Angliyaning “Manchester Siti” klubi markaziy himoyachisi Abduqodir Husanov 2025 yilning Osiyodagi eng yaxshi yosh futbolchisi sifatida e’tirof etildi. Bu haqda podrobno.uz xabar beradi.
21 yoshli futbolchi uchun o‘tgan yil tarixiy bo‘ldi: yanvarda u “Manchester Siti” safiga qo‘shilib, Angliya Premer-ligasida o‘ynagan ilk o‘zbekistonlik futbolchiga aylandi. Iyun oyida esa Husanov terma jamoa bilan birga O‘zbekistonning jahon chempionatiga yo‘llanmani qo‘lga kiritishida muhim hissa qo‘shdi.
Joriy mavsumda himoyachi “shaharliklar” safida to‘qqiz uchrashuvda maydonga tushdi. Goalpost ovoz berishida u Abos Fayzullayev (“Istanbul Bashakshehir”, O‘zbekiston), Nestori Irankunda (“Uotford”, Avstraliya), Marselino Ferdinan (“Oksford Yunayted”, Indoneziya), Li Hana Bom (“Midtyulland”, Koreya), Ali Jasim (“Komo” / “Al-Najma”, Iroq) hamda Yaponiya, Koreya va Avstraliyadan boshqa yosh nomzodlarni ortda qoldirdi.
Shuningdek, The Athletic reytingida Husanov dunyoning eng kuchli 100 futbolchisi ro‘yxatida 86-o‘rinni egalladi.
“Zamin”ni Telegramʻda oʻqing!
