«Real» Madrid bosh murabbiyi Xabi Alonso klub hujumchisi Kilian Mbappening holati haqida fikr bildirdi. Alonso ma’lumot berishicha, jamoa mo‘ljallangan reja asosida harakat qiladi, ammo ko‘p narsa futbolchining jismoniy holatiga bog‘liq.
«Biz har doim futbolchining tiklanish jarayonini diqqat bilan kuzatamiz. Uning qaytishi uchun barcha imkoniyatlardan foydalanamiz. Qachon maydonga qaytishini aytish qiyin, lekin har bir o‘yindan keyin uning ahvoli qayta baholanib, qarorlar qabul qilinadi», — dedi Alonso.
Alonso, shuningdek, Mbappe tiklanishini tezroq yakunlash uchun barcha choralarni ko‘rishlarini ta’kidladi. Murabbiy, jamoa uchun muhim bo‘lgan futbolchining qaytishiga alohida e’tibor berilayotganini ham aytib o‘tdi.
Eslatib o‘tamiz, Mbappe oldingi xabarlarga ko‘ra, kamidan uch hafta maydonga tusha olmasligi ma’lum qilingan edi. Shu bilan birga, 4-yanvar kuni «Real» La Ligada «Betis»ga qarshi o‘yin o‘tkazadi, keyin esa jamoa Ispaniya superkubogi yarimfinalida «Atletiko»ga qarshi maydonga tushadi.
Alonsoning fikrlariga ko‘ra, jamoa o‘z futbolchisi bilan aniq strategik qarorlarni qabul qilishda ehtiyotkor bo‘lishi va uning barcha tiklanish jarayonini muvaffaqiyatli boshqarishga harakat qilishi kerak.
“Zamin”ni Telegramʻda oʻqing!
