“Manchester Yunayted” rasman Ruben Amorim bilan xayrlashganini ma’lum qildi. Klub bayonotiga ko‘ra, portugaliyalik mutaxassis jamoa bosh murabbiyi lavozimini tark etgan.
Bayonotda qayd etilishicha, Ruben 2024 yil noyabr oyida tayinlangan va may oyida jamoani Bilbaoda bo‘lib o‘tgan UEFA Yevropa Ligasi finaliga olib chiqqan.
Klub rahbariyati qarorni Premer-ligadagi joriy holat bilan izohlagan: “Manchester Yunayted” chempionatda oltinchi o‘rinda turgani sabab, rahbariyat murakkab tanlovga kelgan va o‘zgarish qilish vaqti kelganini bildirgan. Ularning fikricha, bu qadam jamoaga Premer-ligada imkoni boricha yuqoriroq o‘rinni egallash uchun yaxshiroq imkoniyat yaratadi.
Shu bilan birga, klub Amorimga qo‘shgan hissasi uchun minnatdorlik bildirib, kelgusi faoliyatida omad tilagan. Keyingi o‘yinga kelsak, bayonotga muvofiq, chorshanba kuni “Byornli”ga qarshi bahsda jamoani Darren Fletcher boshqaradi.
“Zamin”ni Telegramʻda oʻqing!
