Yakshanba kuni Ispaniya Superkubogi finalida “Barselona” va “Real” to‘qnash keladi. Bo‘lajak “el klasiko” oldidan sobiq futbolchi Eduard Mor bahs favoritini aytdi. Bu haqda euro-football.ru xabar beradi.
Mor fikricha, sovrinni qo‘lga kiritish imkoniyati “Barselona”da yuqoriroq. U, shuningdek, final sermahsul o‘tishini ta’kidladi.
“Barselona” — favorit, bu aniq. O‘yinda gollar ko‘p bo‘ladi, bunga ishonchim komil”, — deya Mor so‘zlarini “Chempionat” nashri “Match TV” efiriga tayanib keltirdi.
“Barselona” — “Real” uchrashuvi 11-yanvar kuni 00:00 da (Toshkent vaqti bilan) start oladi. O‘yin tafsilotlarini LiveResult portalidagi matnli translyatsiya orqali kuzatish mumkin bo‘ladi.
Eslatib o‘tamiz, oktabr oyidagi so‘nggi “el klasiko”da “Real” 2:1 hisobida g‘alaba qozongan edi.
“Zamin”ni Telegramʻda oʻqing!
