La Liganing 19-turida "Real Oved'o" o'z maydonida "Betis"ni qabul qildi va kuchli raqib bilan 1:1 hisobida durang qayd etdi. Bu haqda euro-football.ru xabar beradi.
Uchrashuvning birinchi bo'limi o'rtalarida Xuan Ernandes hisobni ochish imkoniga ega bo'ldi, biroq uning zarbasi ustunga tegdi. Oradan to'qqiz daqiqa o'tib, u to'pni olib qo'yganidan keyin yana xavfli urindi — bu safar to'p to'singa borib tegib, maydonni tark etdi.
64-daqiqada mezbonlar Ilyas Chayraning uzoq masofadan yo'llagan aniq zarbasi evaziga oldinga chiqib oldi — 1:0. Keyinchalik "Betis" safida Mark Bartra uzoqdan zarba berdi, darvozabon jamoasini qutqardi, Ernandes esa qaytgan to'pni yakunlay olmadi.
83-daqiqada esa Antoni tomonidan amalga oshirilgan uzatmadan keyin Jovanni Lo Chelso bosh bilan gol urib, hisobni tenglashtirdi — 1:1.
Natijada 13 ochkoga ega "Real Oved'o" turnir jadvalining eng past qismida qolmoqda, "Betis" esa 6-o'rinda bormoqda.
“Zamin”ni Telegramʻda oʻqing!
