“Manchester Siti” rahbariyati jamoaning o‘ng qanot himoyasi uchun yangi iqtidorli futbolchi olish zarur, degan xulosaga keldi. Shu munosabat bilan klub skautlari bir necha yosh va istiqbolli nomzodni diqqat bilan kuzatmoqda, ularning o‘yini va qobiliyatlarini baholashda davom etmoqda.
Ayniqsa, “Brentford”ning 21 yoshli o‘ng qanot himoyachisi Mikael Kayode “shaharliklar” e’tiborida. Manchester klubi skautlari uning himoyadagi ishonchliligi va hujumga qo‘shilishdagi qobiliyatidan katta taassurot olganini ma’lum qilishdi. Bu haqda Caught Offside nashri xabar berdi.
Manbaga ko‘ra, Kayode uchun “Bavariya”, “Yuventus” va “Inter” kabi Yevropa klublari ham qiziqish bildirmoqda. Agar qishki transfer oynasida rasmiy taklif tushsa, “Brentford” futbolchi uchun 35–40 million yevro talab qiladi va kelasi yozda uning narxi yana oshib ketishi mumkin.
Joriy mavsumda Kayode barcha musobaqalarda 25 ta o‘yin o‘tkazdi va uning klub bilan amaldagi shartnomasi 2030-yilning yozigacha davom etadi. Transfermarkt ma’lumotlariga ko‘ra, futbolchining bozor qiymati hozirda 20 million yevro atrofida.
"Manchester Siti" rahbariyati Kayode kabi iqtidorli futbolchini o‘z safiga qo‘shish orqali himoya chizig‘ini yanada mustahkamlash va kelasi mavsumda Yevropa va ichki musobaqalarda yuqori natijalarga erishishni maqsad qilmoqda.
“Zamin”ni Telegramʻda oʻqing!
