"Bavariya" rasmiy sayti orqali himoyada yo'qotish yuz berganini ma'lum qildi. Xorvatiya terma jamoasi futbolchisi Yosip Stanisich o'ng to'piq bo'g'imidan jarohat olib, shifokorlar nazoratiga tushdi. Bu haqda euro-football.ru xabar beradi.
Stanisich jarohatni Bundesliganing yakshanba kungi "Volfzburg"ga qarshi uchrashuvida oldi. O'sha bahsda myunxenliklar raqibini 8:1 hisobida yirik mag'lub etgandi.
Bir necha pozitsiyada, jumladan himoyaning barcha nuqtalarida o'ynay oladigan Stanisichning tiklanish muddati hozircha oshkor qilinmadi.
Joriy mavsumda Stanisich 19 ta uchrashuvda maydonga tushib, 2 ta gol urdi va 3 ta golli uzatma berdi.
"Bavariya" Bundesligada ishonchli tarzda peshqadamlik qilmoqda. Ikkinchi o'rindagi Dortmundning "Borussiya"si esa 11 ochko ortda qolgan.
“Zamin”ni Telegramʻda oʻqing!
