Madridning “Real” klubi prezidenti Florentino Peres jamoa mavsumni omadsiz boshlaganiga qaramay, vaziyatni ijobiy yakunlash mumkinligiga ishonmoqda. Bu haqda euro-football.ru xabar beradi.
Diario AS xabariga ko‘ra, Peres Xabi Alonso boshchiligidagi startdagi qiyinchiliklarni Yevropa Chempionlar ligasida qo‘lga kiritiladigan g‘alaba to‘liq oqlab berishini ta’kidlaydi.
Hozirda “Real” Chempionlar ligasining umumiy bosqich jadvalida 6 turdan keyin 12 ochko bilan 7-o‘rinda bormoqda. La Ligada esa madridliklar 48 ochko jamg‘argan holda 2-pog‘onada, peshqadam “Barselona”dan atigi bir ochko ortda. Shuningdek, “qaymoqranglilar” avvalroq Ispaniya Kubogining 1/8 finalida musobaqani tark etgan, Ispaniya Superkubogi finalida esa “Barselona”ga imkoniyatni boy bergan.
“Zamin”ni Telegramʻda oʻqing!
