Saudiya Arabistoni mezbonlik qilayotgan 23 yoshgacha bo‘lgan futbolchilar o‘rtasidagi Osiyo kubogida 3-o‘rin uchun bahs haqiqiy trillerga aylandi. Bronza medali uchun Vetnam va Janubiy Koreya terma jamoalari maydonda oxirigacha “berishmadim” kayfiyatida kurash olib bordi.
Uchrashuvning asosiy vaqti 2:2 hisobida yakunlandi. Gollar ketma-ketligi ham muxlislarning asabini sinagan ssenariyda kechdi: 30-daqiqada Vetnam hisobni ochdi, ikkinchi bo‘limda javoblar yomg‘irdek yog‘di — 69 va 90+7 daqiqalarda Janubiy Koreya gol urgan bo‘lsa, Vetnam 71-daqiqada yana oldinga chiqib, o‘yinni penaltigacha olib borishga erishdi.
Penaltilar seriyasida esa asablar jangining kulminatsiyasi bo‘ldi: 7:6! Bir zarba — bir umid, bir xato — butun turnirning hissiyoti. Natijada Vetnam seriyada ustun kelib, Osiyo kubogini bronza medal bilan yakunladi.
U-23 Osiyo kubogi. 3-o‘rin
Vetnam – Janubiy Koreya 2:2. Pen: 7:6
Gollar: Viyet 30, Bak 71 – Kim 69, Min Na 90+7
Endi eng katta savol — bosh sovrin kimga? Final uchrashuvi 24 yanvar kuni bo‘lib o‘tadi. Chempionlik uchun Yaponiya va Xitoy terma jamoalari maydonga tushadi. Turnir oxiridagi shu ikki kun — muxlislar uchun “uyquni kechiktirib qo‘yishga arziydigan” vaqt, desak ham bo‘ladi.
“Zamin”ni Telegramʻda oʻqing!
