Fransiya chempionatining 19-turida PSJ safarda tushib ketish zonasi atrofida yurgan Auserga qarshi oson bo'lmagan sinovdan o'tdi. Parijliklar raqib maydonida ko'p mehnat evaziga minimal hisobdagi g'alabani qo'lga kiritdi. Bu haqda euro-football.ru xabar beradi.
Uchrashuv davomida Bredli Barkola birin-ketin vaziyatlardan foydalana olmay, eng omadsiz futbolchi sifatida ko'zga tashlanayotgandi. Biroq Usmon Dembele zaxiradan maydonga tushgach, Barkola jonlanib ketdi va aynan shu duet 79-daqiqada g'alaba golini yaratdi.
Shu bilan birga, PSJ tarkibida ayrim futbolchilar o'yinini oqlay olmadi. Manba bahosiga ko'ra, eng ko'p e'tirozlar markaziy hujumchi Gonsalu Ramushga bildirildi: u 62-daqiqada Dembele bilan almashtirilganidan norozi bo'ldi, ammo uning o'zi ham o'yin davomida yetarli darajada samarali harakat qila olmadi.
Yana bir tanqid o'ng qanotda harakat qilgan Uorren Zair-Emeriga qaratildi. Ikkinchi bo'limda Auser aynan uning zonasidan bir necha bor xavfli hujumlar uyushtirdi, raqib futbolchilari esa driblingda Zair-Emerini ko'p marta ortda qoldirdi.
Himoya markazida o'ynagan Ilya Zabarnyy va Lukas Beraldo ham xatolarsiz o'ynay olmadi. Ular Zair-Emerining kamchiliklarini yopishga uringan paytlarda ham Auser hujumchilarini jarima maydonida nazorat qilishda muammolar kuzatildi, Beraldo esa epizodlarning birida xatoni bevosita jarima maydoni ichida qilib qo'ydi.
“Zamin”ni Telegramʻda oʻqing!
