“Yuventus” klubi va Portugaliya terma jamoasi vingeri Frinsishko Konseysau Krishtianu Ronaldu haqidagi savollarga to‘xtalib o‘tdi. Yosh futbolchiga ko‘ra, Ronaldu atrofida turli gap-so‘zlar, bahslar bo‘lishi tabiiy, ammo jamoa ichida uning qadrini hech kim inkor qila olmaydi.
Konseysau ta’kidlashicha, har kimning o‘z qarashi, o‘z fikri bor. Lekin Ronalduning terma jamoa uchun qilayotgan mehnati, maydondagi ta’siri va eng muhimi — natija uchun javobgarlikni o‘z zimmasiga ola bilishi bebaho hisoblanadi.
“Faktlarni rad etib bo‘lmaydi. Uning terma uchun qilgan va qilayotgan ishlari hammasiga ko‘rinib turibdi. Agar u gol urishni doimiy davom ettirsa, shubhasiz, Jahon chempionatida bizga katta yordam beradi”, — dedi 23 yoshli vinger.
Bu gaplar, albatta, terma atrofidagi kayfiyatni ham ko‘rsatadi: Portugaliya safida Ronalduning o‘rni hali ham muhim, jamoa esa undan maksimal foyda olishni istaydi. Ayniqsa, katta musobaqada bitta vaziyat ham hal qiluvchi bo‘lib ketadi — tajriba va “sovuqqon” gollar esa qimmat.
Ma’lumot uchun, Portugaliya terma jamoasi Jahon chempionatida O‘zbekiston milliy terma jamoasi bilan bir guruhdan joy olgan. Demak, muxlislarimizni yana bir juda qiziq to‘qnashuv va kuchli intriga kutyapti: maydonda Ronaldu bo‘ladimi-yo‘qmi, uning har bir harakati baribir diqqat markazida bo‘ladi.
“Zamin”ni Telegramʻda oʻqing!
