UYEFA Millatlar ligasining 2026/2027 yilgi mavsumi uchun qur’a tashlash savatlar tarkibini e’lon qildi. Avvalroq xabar qilingani kabi, Rossiya terma jamoasi musobaqa ishtirokchilari ro‘yxatidan joy olmadi. Bu haqda euro-football.ru xabar beradi.
Bunday qaror kutilmagan emas: Rossiya futbol ittifoqiga (RFI) nisbatan amaldagi sanksiyalar hanuz kuchda qolmoqda va ular FIFA darajasida ham davom etyapti. Bu cheklovlar qariyb to‘rt yildan beri saqlanib kelmoqda, shu bois Rossiya terma jamoasi bu davrda faqat o‘rtoqlik uchrashuvlarida maydonga tushish huquqiga ega.
Millatlar ligasi qur’asi 12 fevral kuni bo‘lib o‘tadi. O‘tgan yozda turnir g‘olibi Portugaliya terma jamoasi bo‘lgandi: finalda ular Ispaniyani 2:2 hisobidagi durangdan so‘ng penaltilar seriyasida mag‘lub etgan.
“Zamin”ni Telegramʻda oʻqing!
