Igor Diveev Podolski, Shvaynshtayger va Ozil bilan suratini ko'rsatdi

«Zenit» va Rossiya terma jamoasi himoyachisi Igor Diveev arxivdan qiziqarli suratni ulashdi. Unda u 10 yosh paytida Germaniya terma jamoasi futbolchilari yonida tushgan. Bu haqda euro-football.ru xabar beradi.
Kadrda Lukas Podolski, Bastian Shvaynshtayger hamda Mesut Ozil aniq ko'rinadi.
Ushbu foto 2010 yilgi Jahon chempionati saralashi doirasidagi Rossiya — Germaniya uchrashuvi oldidan olingan. O'sha paytda yosh Diveev futbolchilar bilan birga maydonga chiqib borgan.
«Terma jamoamiz bilan birinchi marta maydonga chiqishim! To'g'ri, Podolski, Shvaynshtayger va Ozil bilan birga», — deb yozdi Diveev.
Eslatib o'tamiz, 2009 yil oktyabrida «Lujniki»da bo'lib o'tgan o'yinda Rossiya Germaniyaga 0:1 hisobida yutqazgan, yagona gol muallifi Miroslav Kloze bo'lgan.
“Zamin”ni Telegramʻda oʻqing!