Flik Barselona yanvarda boshqa transfer qilmasligini aytdi

"Barselona" bosh murabbiyi Xans-Diter Flik klubning qishki transfer bozoridagi rejalariga to'xtaldi. Bu haqda euro-football.ru xabar beradi.

Yanvar oyida kataloniyaliklar tarkibini qanot himoyachisi Joau Kanselu bilan to'ldirdi — futbolchi Saudiya Arabistonining "Al-Hilol" klubidan mavsum oxirigacha ijaraga olindi. Flikning so'zlariga ko'ra, bu qishdagi so'nggi qo'shilish bo'lib qoladi.

"Real Ovedo" ustidan 3:0 hisobidagi g'alabadan keyin potensial kuchaytirishlar haqida savolga javob bergan Flik: "Bu oyda endi boshqa hech kimni tarkibga qo'sha olmaymiz", — dedi.

21 turdan so'ng "Barselona" La Liga jadvalida 52 ochko bilan peshqadam. Kataloniyaliklar Madridning "Real" jamoasini bir ochkoga ortda qoldirmoqda.

Ravshan

«ZAMIN.UZ» muharriri