"Bavariya" bosh murabbiyi Vensan Kompani Yevropa Chempionlar ligasida PSVga qarshi bo'ladigan uchrashuv haqida fikr bildirdi. Bu haqda euro-football.ru xabar beradi.
Bahs Niderlandiyada, umumiy bosqichning yakuniy turi doirasida o'tkaziladi.
"PSVning "Napoli" ustidan 6:2, "Liverpul" ustidan 4:1 hisobidagi g'alabalari juda noyob natija. Ko'rinib turibdiki, ular o'ziga ishonadi. Jamoa hujumda kuchli, qarshi hujumga juda tez o'tadi, tarkibida gol ura oladigan futbolchilar bor. Ular "Yunion Sent-Jillua"ga ham yutqazgan, lekin biz — "Bavariya"miz. Biz ko'proq "Napoli" va "Liverpul" darajasidagi jamoalarga o'xshaymiz, shu bois ertangi o'yinda juda hushyor bo'lishimiz kerak", — dedi Kompani matbuot anjumanida.
"Bavariya" allaqachon 1/8 finalga to'g'ridan-to'g'ri yo'llanmani kafolatlagan. PSV esa 22-o'rinda bormoqda va pley-offning dastlabki bosqichiga chiqish uchun kurashni davom ettirmoqda.
“Zamin”ni Telegramʻda oʻqing!
