«Kopengagen» bosh murabbiyi Yakob Neestrup Chempionlar ligasida «Barselona»ga qarshi bo'ladigan uchrashuv arafasida jamoaning kayfiyati va rejasini muhokama qildi. Raqiblar chorshanba kuni umumiy bosqichning yakuniy turida maydonga tushadi. Bu haqda euro-football.ru xabar beradi.
Neestrupning ta'kidlashicha, imkoniyat doimo bor va natija ko'p jihatdan «Kopengagen»ning o'z o'yiniga bog'liq. U jamoa avval ham kuchli raqiblarga, jumladan «Bavariya»ga qarshi maydonga tushganini eslatib, bu safar ham yuqori darajadagi hujum chizig'iga ega «Barselona» bilan to'qnash kelishini qayd etdi.
Murabbiyga ko'ra, eng muhim vazifa — tartibli o'ynash, ixchamlikni saqlash va to'pga yaqinroq harakat qilish. «Kopengagen» himoyada to'rt yoki besh nafar himoyachi bilan turli sxemalarda o'ynay oladi, zarurat bo'lsa, himoyaviy uslubga o'tish ham muammo emas.
Uchrashuv 01:00 da (Toshkent vaqti bilan) boshlanadi.
“Zamin”ni Telegramʻda oʻqing!
