“Barselona” yarim himoyachisi Dani Olmo Dro Fernandesning fransuzning “PSJ” klubiga o‘tib ketgani haqida fikr bildirdi. Bu haqda euro-football.ru xabar beradi.
Olmo futbolchining qaroriga turlicha omillar ta’sir qilishi mumkinligini ta’kidladi: “Har kimning o‘z sababi bor. O‘sha paytda mening ham o‘z sabablarim bo‘lgan, Droda esa o‘ziniki. Yakunda bu juda achinarli, chunki klub unga katta umid bog‘lagandi. U allaqachon jamoa mashg‘ulotlari va o‘yinlarida qatnashib kelayotgandi. Biz unga faqat omad tilaymiz”, — deya Olmoning so‘zlarini Barca Universal keltiradi.
18 yoshli hujumkor yarim himoyachi Dro Fernandes “Barselona” akademiyasi tarbiyalanuvchisi hisoblanadi. U asosiy jamoa safida beshta uchrashuvda maydonga tushib, bitta golli uzatma amalga oshirgan.
26 yanvar kuni Fernandes “Barselona”dan “PSJ”ga ko‘chib o‘tdi va parijliklar bilan 2030 yilgacha mo‘ljallangan shartnoma imzoladi.
“Zamin”ni Telegramʻda oʻqing!
