Avval Barselona safida top surgan belaruslik sobiq futbolchi Aleksandr Gleb kataloniyaliklarning joriy Chempionlar ligasidagi o'yinlari haqida fikr bildirdi. Bu haqda euro-football.ru xabar beradi.
Glebning ta'kidlashicha, Barselona odatda himoyada muammolarga duch keladi, biroq jamoa yarim himoya va hujum chizig'idagi kuchi evaziga natijani o'z foydasiga og'dira oladi. U klubni hanuz Chempionlar ligasida g'alaba uchun asosiy da'vogarlardan biri deb hisoblaydi.
Hozirda Hans-Diter Flik boshqaruvidagi jamoa Chempionlar ligasi turnir jadvalida 9-o'rinda bormoqda va 13 ochko jamg'argan.
Bugun, 28-yanvar kuni «ko'k-anorranglilar» o'z maydonida «Kopengagen»ni qabul qiladi. Umumiy bosqichning 8-tur uchrashuvi 01:00 da (Toshkent vaqti bilan) boshlanadi.
“Zamin”ni Telegramʻda oʻqing!
