Rossiya futbolining taniqli sobiq vakili Aleksandr Mostovoy Ispaniyada jarohatlar tez-tez bezovta qilayotgan Arsen Zaxaryan haqida fikr bildirdi. Uning ta’kidlashicha, 22 yoshli yarim himoyachi avvalo o‘z vaziyatini to‘g‘ri tahlil qilib olishi kerak. Bu haqda euro-football.ru xabar beradi.
Mostovoyning aytishicha, jarohatlar bo‘lmaganida Zaxaryan muntazam maydonga tushardi. U bu holatda fojea yo‘qligini, futbolchining hali oldinda butun faoliyati borligini urg‘uladi. Agar "Real Sosyedad"da ishlar yurishmasa, Zaxaryan har doim Rossiyaga qaytish imkoniga ega ekanini ham qo‘shimcha qildi.
Shuningdek, Mostovoy 30 yoshda bunday vaziyat ancha jiddiy muammo bo‘lishini, ammo 22 yoshda hali xavotirga o‘rin yo‘qligini qayd etdi.
Avvalroq "Real Sosyedad" vakillari Zaxaryan umumiy guruhdagi mashg‘ulotlarga juma kuni qaytishi mumkinligini ma’lum qilgandi.
“Zamin”ni Telegramʻda oʻqing!
