Ayder Kurbayev qo‘l ostidagi O‘zbekiston U-16 terma jamoasi Xitoyga qarshi o‘tkazilgan ikkinchi o‘rtoqlik bellashuvida maydonni mag‘lub holda tark etdi. Uchrashuvda mezbonlar (Xitoy) 0:2 hisobida g‘alaba qozondi.
O‘yin natijasi muxlislar uchun yoqimsiz bo‘lsa-da, bunday sparringlar yoshlar futbolida eng kerakli “lakmus”: kim ruhan tayyor, kim jismonan yetishmaydi, qaysi chiziqda muammo bor — hammasi aniq ko‘rinadi. Shu ma’noda bu mag‘lubiyat “katta dars” sifatida qabul qilinishi mumkin.
Uchrashuv hisobi
O‘zbekiston — 0:2 — Xitoy
Boshlang‘ich tarkib: 21.Almaz Ayupov, 3.Hojiakbar Zulfiqorov, 5.Yahyo Nasrulloyev, 9.Emmanuel Emonkpaire, 13.Temur Rahmonqulov, 16.Husan Uralov, 17.Abubakr Mamatov, 18.Hasan Uralov, 19.Fayz Ochilov, 20.Ulug‘bek Xayrullayev, 22.Ro‘zimurod Ro‘zimurodov.
Zaxiradan maydonga tushganlar: Abduvaliyev, Bobirov, O‘ktamov, Shuhratillayev, Shukurov, Usmonov, Aminov, Xolmamatov, Samatov.
Zaxirada qolganlar
Ayvazov, Odilov.
Eslatib o‘tamiz, jamoalar o‘rtasidagi ilk bahsda O‘zbekiston yirik hisobda zafar quchgan edi.
Hozirgi bosqichda eng muhimi — natijadan ko‘ra to‘g‘ri xulosa. Tarkibda raqobat bor, almashinuvlar ham ko‘p — demak, murabbiylar shtabi turli variantlarni sinab ko‘ryapti. Endi shu o‘yindan keyingi tahlil, xatolar ustida ish va keyingi bellashuvlarda reaksiya qanday bo‘lishi — muxlislar uchun eng qiziq nuqta.
“Zamin”ni Telegramʻda oʻqing!
