Ispaniya La Ligasi yakshanba kungi bahsida “Alaves” o'z maydonida “Xetafe”ni qabul qildi. Mehmonlar chempionatdagi sakkiz o'yinlik g'alabasiz seriyasiga nuqta qo'ydi — “Xetafe” La Ligada oxirgi marta 28 noyabr kuni yutgandi. Bu haqda euro-football.ru xabar beradi.
“Mendisorrosa” stadionidagi uchrashuvda barcha gollar tanaffusdan keyin urildi. 53-daqiqada Luis Vaskes hisobni ochdi, 72-daqiqada esa Mauro Arambarri penaltidan farqni ikkitaga yetkazdi — 0:2.
Ushbu uch ochko “Xetafe”ga turnir jadvalida keskin sakrash qilish imkonini berdi: jamoa 17-o'rindan 10-pog'onaga ko'tarildi. Zich raqobat davom etayotgan hududda “Alaves” hozircha 11-o'rinda, biroq turdagi barcha o'yinlar hali yakuniga yetmagan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
