Hafta o'rtasida Kubok bahsida «Atletiko» safarda «Betis»ni 5:0 hisobida yirik mag'lub etgandi. Oradan uch kun o'tib La Liga doirasida poytaxtdagi uchrashuv «matrasniklar» uchun kutilganidek oson kechmadi. Bu haqda euro-football.ru xabar beradi.
O'yin boshlanishida Ademola Lukman jarima maydonchasi chap chetidan uzoq burchakka kuchli zarba berdi, to'p ustun yonidan o'tib ketdi. Biroz o'tib Xulian Alvares chap qanotdan darvozani nishonga oldi, darvozabon esa to'pni burchak zarbasiga chiqarib yubordi. 28-daqiqada Antoni uzoqdan yaqin o'ng burchakka zarba yo'lladi va posbonning kechikkan reaksiyasi «Betis»ni oldinga olib chiqdi — 0:1. «Atletiko» tezda javob qaytargandek bo'ldi: Markos Lyorente Lukmanni yuzma-yuz vaziyatga chiqardi, ammo gol ofsayd sabab bekor qilindi.
Ikkinchi bo'lim boshida chap qanotdan uzatilgan to'p uzoq ustunda Xuliano Simeone tomonidan qaytarib berildi, biroq jamoadoshlar yakunlay olmadi. Keyinroq o'ng qanotdan uzatma vaqtida Antuan Grizmann zarba bera olmadi, kurashda Diego Lyorente to'pni o'z darvozasiga yo'naltirdi, ammo bu epizod ham ofsayd tufayli gol sifatida qayd etilmadi.
Yakunda 0:1 — «Betis» muhim uch ochko bilan turnir jadvalida beshinchi o'rinni mustahkamladi, «Atletiko» esa uchinchi pog'onada qoldi.
“Zamin”ni Telegramʻda oʻqing!
