Myunxenning «Bavariya» klubi hujumchisi Garri Keyn jamoaning yaqin istiqboli haqida fikr bildirdi. Myunxenliklar mavsumning eng muhim qismiga uchta musobaqada birdek kirib bormoqda. Bu haqda euro-football.ru xabar beradi.
Keynning aytishicha, turnir jadvalida ikkinchi orindagi raqibdan sezilarli ustunlik bor, biroq bunday farq tezda qisqarib ketishi ham mumkin. U buni o‘tgan hafta natijalari yana bir bor ko‘rsatganini ta’kidladi.
Shuningdek, hujumchi mavsum boshidan boshlab fevral—mart oylariga kelib jarohatlarsiz va yuqori o‘rinlarda bo‘lish maqsadi qo‘yilganini eslatdi. Hozircha «Bavariya» Bundesligada peshqadam, Germaniya kubogi uchun kurashni davom ettirmoqda va Chempionlar ligasida chorak finalga chiqdi.
Keyn bu holatni jamoa uchun ijobiy belgi deb baholadi: endi mavsumning haqiqiy sinovlari boshlanishi, oldinda esa yanada ko‘proq mehnat qilib, kim «Bavariya»ni quvib yetishga qodirligini ko‘rish kerakligini qayd etdi.
Hozirda «Bavariya» hisobida 54 ochko bor, Dortmundning «Borussiya»si 48 ochko bilan ikkinchi o‘rinda. Keyn esa Bundesligada to‘purarlar poygasida 24 gol bilan yetakchilik qilmoqda.
“Zamin”ni Telegramʻda oʻqing!
