«Barselona»ning chap qanot himoyachisi Alejandro Balde La Ligada o‘z pozitsiyasida himoyada eng barqaror o‘yinchilardan biri sifatida ajralib turmoqda. Bu haqda euro-football.ru xabar beradi.
Barca Universal ma’lumotiga ko‘ra, Balde raqiblar tomonidan bir o‘yinda o‘rtacha atigi 0,2 marta aldab o‘tiladi. Bu ko‘rsatkich Ispaniya chempionatidagi chap himoyachilar orasida eng yaxshisi sanaladi. Taqqoslash uchun, «Real» futbolchisi Alvaro Karreras o‘rtacha 0,8 marta aylanib o‘tilmoqda.
Joriy mavsumda 22 yoshli Balde barcha musobaqalarda 30 ta uchrashuvda maydonga tushib, 3 ta golli uzatmani amalga oshirdi.
Bugun, 12-fevral kuni «Barselona» Ispaniya kubogi yarim finalining ilk o‘yinida safarda «Atletiko»ga qarshi bahs olib boradi. Uchrashuv 01:00 da (Toshkent vaqti bilan) boshlanadi. Matnli translyatsiya LiveResult portalida mavjud bo‘ladi.
“Zamin”ni Telegramʻda oʻqing!
