Juma kuni “Luи II” stadionida “Monako” “Nant”ni qabul qildi va uchrashuv taqdirini bir taym o‘rtalarida atigi besh daqiqada hal qilib qo‘ydi. Bu haqda euro-football.ru xabar beradi.
Dastlabki daqiqalardayoq mezbonlar keskin hujumlar uyushtirdi: Golovin bir necha bor markazdan hujumni tezlatdi, Kayu Enrike va Balogun bilan kombinatsiyalar ishladi, burchak zarbalari ham xavfli chiqdi. “Nant” darvozaboni bir necha vaziyatda jamoasini qutqarib qoldi.
25-daqiqada “Nant” himoyasidagi xatodan keyin Balogun to‘pni ilib ketdi, uning zarbasini posbon qaytardi, biroq Simon Adingra qaytgan to‘pni bo‘sh darvozaga joyladi — 1:0. Oradan uch daqiqa o‘tib Golovin darvozabon bilan yakkama-yakka chiqib, pasni Adingraga oshirdi — 2:0. 30-daqiqada “Monako”ning 4 ga 2 qarshi tezkor hujumi yakunida Golovin sherigiga to‘p chiqarib berdi va Denis Zakarriya aniq zarba bilan hisobni yiriklashtirdi — 3:0.
Tanaffus arafasida “Nant” bitta gol bilan javob qaytardi: Deiver Machado chap qanotdan uzatma berdi, Fabyen Sentonz esa jarima maydoni chetida to‘pni uchib kelganicha “to‘qqizlik”ka mixladi — 3:1.
66-daqiqada esa Golovin hakam bilan bahs uchun ogohlantirildi va darhol hakamga qarsak chalganidan so‘ng ikkinchi jazoni olib, maydonni tark etdi. O‘yin so‘ngida Ansu Fati yakkama-yakka vaziyatga chiqdi, ammo “Nant” darvozaboni duelda ustun keldi.
G‘alabadan keyin “Monako” turnir jadvalida 7-o‘rinda bormoqda, “Nant” esa so‘nggidan ikkinchi pog‘onada qoldi.
“Zamin”ni Telegramʻda oʻqing!
