Yanvar oyida Dro Fernandes «Barselona»ni tark etib, «PSJ» safiga o'tdi. Fransuz grandi 18 yoshli iqtidor egasini atigi 8 million yevroga qo'lga kiritdi: futbolchining shartnomasidagi belgilangan tovon puli bandi ishga tushirilgan. Bu haqda euro-football.ru xabar beradi.
RAC1 xabariga ko'ra, kataloniyaliklar bunday holat boshqa takrorlanishini istamayapti va endi tovon puli miqdorlarini boshqacha shakllantirmoqda. Unga ko'ra, 19 yoshgacha jamoada o'ynagan futbolchilar uchun 6 million yevro, «Barselona B»da debyut qilganlar uchun 8 million yevro, asosiy jamoada hech bo'lmaganda bir marta maydonga tushganlar uchun esa 100 million yevro belgilanishi ko'zda tutilmoqda.
Dro Fernandes Parijga yo'l olishidan avval «ko'k-anorranglilar»ning asosiy jamoasi safida besh uchrashuvda maydonga tushishga ulgurgandi.
“Zamin”ni Telegramʻda oʻqing!
