La Liganing 24-turi doirasidagi “Levante” – “Valensiya” derbisi har ikki jamoa ham quyi pog'onalarda, tushib ketish zonasi atrofida bo'lgani uchun yanada prinsipial tus oldi. Bu haqda euro-football.ru xabar beradi.
Uchrashuv boshida “Levante” imkoniyatlardan foydalana olmadi: 17-daqiqada Ivan Romero bosh bilan zarba berdi, biroq darvozabon to'sqinlik qildi. Oradan ko'p o'tmay, Matias Moreno qulay vaziyatda to'pni darvoza ustuniga yaqin joydan nishonga ola bilmadi.
Ikkinchi bo'limda “Valensiya” qarshi hujumda o'z so'zini aytdi. 64-daqiqada Luis Rioxa hujumni keskinlashtirdi, Larji Ramazani esa yakunda to'pni tarmoqqa joyladi — 0:1. 84-daqiqada Umar Sadik uzoq masofadan yo'llagan zarbasi bilan mehmonlar ustunligini ikki to'pgacha oshirdi.
90-daqiqada “Levante” futbolchisi Kervin Ariaga sportga xos bo'lmagan xatti-harakati uchun maydondan chetlatildi.
Ushbu natijadan so'ng “Valensiya” 12-o'rinni bo'lishib turibdi va tushib ketish zonasidan ikki ochkolik masofada. “Levante” esa turnir jadvalida oxiridan ikkinchi o'rinda qoldi.
“Zamin”ni Telegramʻda oʻqing!
