«Benfika» bosh murabbiyi Joze Mourinyu «Real»dagi faoliyati haqida fikr bildirdi. Bu haqda euro-football.ru xabar beradi.
Mutaxassisning aytishicha, Madrid klubida ishlagan davrida ham yutuqlar, ham muvaffaqiyatsiz lahzalar bo‘lgan, biroq u doimo bor kuchini berib ishlagan. Mourinyu shu sabab «Real» muxlislari hanuz uni hurmat qilishi va qadrlashini ta’kidladi, deya keltiradi The Touchline.
Mourinyu «Real»ni 2010–2013 yillarda boshqargan. Ushbu davrda «qirollik klubi» Ispaniya chempionati, Ispaniya kubogi va Ispaniya superkubogini qo‘lga kiritgan.
17-fevral, seshanba kuni «Benfika» va «Real» Chempionlar ligasida o‘zaro bahs olib boradi. Avvalroq Mourinyu «Real»ga Chempionlar ligasidan chiqib ketishini, biroq Ispaniya chempionligini yutib olishni tilagan edi.
“Zamin”ni Telegramʻda oʻqing!
